عايش غريب جوه بلدى وحقى منى بينسرق
من كترخوفى عالبلددى عشت ف قلق
من كتر حبي للبلددي قلبي انحرق
أماالحرامي هربوه والبرئ اللي انشنق
الشعب المصرى بيتألم *ولاحد قادريتكلم
مغصوب على أمره ومسلم**والجرح ف القلب معلم
الشعب ده شعب أصيل***شرب المر وشاف الويل
شايل حمل وحمله تقيل***ولسه بقول الصبر جميل
مصرهيه مصر
مصرهيه مصر****ولآخرالزمن
الله ياشعب مصر****بتقوي ف المحن
واللى بيجي عليها***بيدفع التمن
أقروا التاريخ شوفوا الهرم**مصرالحضاره منذ القدم
اقروا التاريخ شوفوا الهرم**مصرالحبيبه أم الكرم
********************************
ولحدامتى
ولحد امتى هيفضل الشعب ده مقهور
مكتوب عليه الغلب ولايوم يعيش مسرور
غرقان ف بحر هموم والزمن بيدور
بيحلم بد نياجميله بيحلم يعيش ف النور
عايزيقول كلمته من غير ماحد يسور
وانا شاعروبفطنتى باكشف المستور
أحكى وقول يانيل***عن شعب عاش مظلوم
شاف الذ ل والويل***ومن خيرهاعاش محروم
وجيل ورا جيل***حياته مليانه هموم
صابروالصبرجميل***ولحدأخريوم
قال لى جدى وصوته حزين ***مصرياأبنى مليانه خير
يكفى سعيد واحمد وسمير***والخير فيها فايض وكتير
قلت صحيح ليه مش باين***علشان فيها حرامى وخاين
والحرمية ف مصر كتير***ماهو خلاص مات الضمير
يا للى بتتكلم ع الانجاز****من غيرما تجامل ولاتنحاز
انا نفسى اولع البوتجاز****ما تقول لى فين أنبوبة الغاز
قول لى عادى ومتخبيش ****خلص الغازولامفيش
قال لى أسكت ماتزعلنيش ****بدل ماياخدك الشاويش
و تروح فيها ولاتجيش****خليك فى ياأبنى وعيش
الضمير العربى
الضميرالعربى فين****قلت مات من سنين
قالووانت كنت فين ****كنت بكتب كلمتين
ع اللى حصل ف جنين****وغزه وديرياسين
والرساله دى لمين****قلت طبعا للمسؤلين
قالواياعم وانت مالك****ليه تروح للمهالك
وانت ياابنى تبقى مين ****انت طيب وسكين
وبلاش ياابنى الكلمتين****لاتقول رام الله ولاجنين
ليست هناك تعليقات:
إرسال تعليق